Јаник Синер го доведе во прашање своето понатамошно учество на овогодинешниот Вимблдон откако доби проблем со лактот за време на натпреварот против Григор Димитров. Светскиот рекет број еден се повреди на почетокот на натпреварот на Централниот терен и заостануваше два сета кога Димитров, поради сопствената повреда, мораше да се повлече.
Синер беше на работ на рана елиминација од турнирот, иако самоуверено ги помина првите три кола, додека Димитров водеше со 2:0 во сетови во многу возбудлив дуел. Сепак, во третиот сет, Бугаринот почувствува болка во градите, а по лекарскиот преглед беше утврдено дека не е во можност да го продолжи натпреварот.
Италијанецот му понуди зборови на поддршка на својот ривал за време на интервјуто на теренот, но избегна да навлезе во детали за повредата на Димитров на прес-конференцијата, фокусирајќи се на сопствените проблеми, кои беа главната тема.
– Утре ќе направиме магнетна резонанца за да видиме дали е нешто сериозно и ќе се обидеме соодветно да ја прилагодиме терапијата. Тоа се случи многу рано во натпреварот, во првиот гем. Беше прилично гаден пад – објасни Синер.