Шолц: Случувањата во Бањска покажуваат дека мораме да ги надминеме конфликтите

Германскиот канцелар Олаф Шолц денеска изјави дека е време да се надминат конфликтите во регионот кои траат предолго и дека тоа го покажуваат последните настани во селото Бањска на северот на Косово.

„Мора да се вратиме на спроведувањето на договорените договори“, рече Шолц на отворањето на самитот во Берлинскиот процес во Тирана.

Тој посочи дека Берлинскиот процес е најдобриот инструмент за соработка и интеграција на Западен Балкан и дека соработката на земјите е понеопходна од кога било.