Актерот Шон Вилијам Скот во текот на својата кариера имаше бројни забележителни улоги, а една од нив беше улогата на Стифлер во серијата „Американска пита“. Во првиот дел хонорарот му бил скромен, заработувајќи само 8.000 долари.
„Тоа беа многу пари во тоа време. Се сеќавам дека после тоа купив користен Thunderbird за околу 5.000 долари или можеби 6.000 долари. Не знам што се случи со другите 2.000 долари бидејќи на крајот морав да се вработам во зоолошката градина во Лос Анџелес, па можеби тоа беше дури и помалку од 8.000 долари“, рече Шон Вилијам Скот во Rich Eisen Show.
Инаку, филмот „Американска пита“ заработи 235 милиони долари во кината ширум светот, пишува Deadline.
Шон Вилијам Скот го играше Стифлер во уште три дела од „Американска пита“. Тој наводно заработил околу 5 милиони долари за American Reunion, кој го одбележа неговиот последен долгометражен филм во улогата на Стифлер.