Кошаркарите на Шпанија се вторите финалисти на Евробаскетот.
Во полуфинален меч полн со пресврти ги совладаа домаќините Германија со 96:91 (27:24, 19:27, 19:20, 31:20).
Избраниците на Серџо Скариола го свртеа натпреварот на две минути пред крајот.
Тие имаа минус седум (70:77), но направија серија од 13:0 за 83:77, по што рутински го приведоа натпреварот до крај.
Така Шпанија в недела ќе го брка четвртото злато на последните шест европски првенства.
Тие беа шампиони во 2009, 2011 и 2015 година, а бронзени во 2013 и 2017 година.
Лоренцо Браун со 29 поени ја предводеше Шпанија до славјето. Вили Ернангомез постигна 16, Хуанчо Ернангомез 13, а Алберто Дијаз 10 поени.
Денис Шрудер постигна 30 поени за Германија, додека Андреас Обст и Франц Вагнер постигнаа по 15.
THE WORLD CHAMPS ARE HEADING TO THE #EUROBASKET FINAL 🇪🇸#BringTheNoise pic.twitter.com/9ClSt3pegJ
— #EuroBasket 2022 (@EuroBasket) September 16, 2022