Шпанскиот амбасадор во земјава, Рафаел Сориано Ортиз го пофали премиерот Христијан Мицкоски бидејќи утринава на Скопскиот аеродром ги минал сите формалности како и сите други патници. Ортиз, кој чекал во редот за туристичко пријавување на лет за Истанбул, посведочил како премиерот без никакви привилегии ја поминал контролата, чекал ред за чекирање и ги испочитувал сите процедури како другите патници.
-Пример за едноставност и нормалност. Браво, напиша амбасадорот.
Утрово фатив лет за Истанбул. Во редот за туристичко пријавување го сретнав премиерот🇲🇰 @MickoskiHM кој ги помина формалностите, вклучително и соодветните контроли, како и секој друг патник. Пример за едноставност и нормалност. Браво! @TimcoMucunski @VladaMK @NMvesti @MIA_NEWS
— Rafael Soriano Ortiz (@RafaSorianoO) February 28, 2025
Мицкоски денеска отпатува во посета на Турција, каде што во моментов има средба со турскиот претседател Реџеп Таип Ердоган. По викендов, во понеделник и вторник, уште претходно премиерот најави дека предвидена е меѓувладина конференција во Будимпешта, Унгарија.