Вишото јавно обвинителство во Белград досега сослушало пет девојки, жртви на професорот по глума Мирослав Мика Алексиќ, кој е обвинет за силување и незаконски сексуални дејствија, а треба да сведочи и една малолетничка (17). Освен жртвите, обвинителството испитало двајца сведоци, а за две недели од апсењето на истакнатиот професор по глума, граѓаните на Србија можеа да видат како изгледа храброста на младите девојки, решени да застанат на патот на сите форми на сексуална злоупотреба.
Последните две жртви на Алексиќ зборувале во обвинителството за тоа како се однесувал Алексиќ на часовите додека оделе во неговото училиште за глума „Stvar srca“, но и за вулгарностите и навредите што ги изговорил. Сепак, тие одлучиле кривично да не го гонат.
Тие се четвртата и петтата жртва, кои досега дале изјави за овој случај.
Денес во Вишото јавно обвинителство биле испитани две девојчиња како сведоци, а инаку, станува збор за лица кои ја познаваат актерката Милена Радуловиќ, која го пријавила Алексиќ за силување. Останува уште една девојка на распит, малолетничка (17), која последна го пријавила Алексиќ за незаконски сексуални дејствија на крајот на 2020 година.
Таа ќе биде испрашувана откако ќе заврши вештачењето.
Случајот, кој длабоко ја шокираше српската, но и балканската јавност, стана познат откако актерката Милена Радуловиќ јавно раскажа што претрпела од Алексиќ. Беше на распит во обвинителството пет часа, а за време на неколкучасовниот распит детално раскажала што преживеала.
„Бев во училиштето на Мика Алексиќ шест години кога ме силуваше. Имав 17 години. Тоа не се случи еднаш. Тоа беше повторувано“, рече актерката претходно во признание за српски „Блиц“.
Таа изјавила дека Алексиќ ја силувал за првпат на почетокот на ноември 2012 година. Во тоа време таа имала 17 години, а тој 61 година.
„До тој момент воопшто не мислев дека такво нешто е можно. Не го познавав како таков и во тој период бев убедена дека сум единствената. Тоа беше шок. Се се расипа! Тоа беше друго семејство за мене“, рече таа.
„Мика ми беше како татко“
Набргу по Милена, актерката Ива Илинчиќ зборуваше за ужасите што ги преживеала. Таа истакнала дека Алексиќ за првпат сексуално ја малтретирал кога имала 17 години.
„Не ме силуваа, за среќа немам такво искуство, но бев континуирано предмет на сексуално вознемирување. Јас молчев шест години, негирав, не реков никому, буквално на никој. Јасно ми беше дека е лошо. Кога се случи за прв пат, си реков: Мика е како татко за мене, невозможно е ова да се случи и не се случува. И ако се случи, тогаш тој ме ми дава сила, сака да ме подготви за суровиот свет на режисери, продуценти . Јас го оправдав тоа, одбив да прифатам. Јас игнорирав, а потоа си признав, што беше огромен чекор“, се исповедала таа.
Откако овие две храбри актерки јавно разговараа за сè што доживеаја, се огласија уште неколку девојки, жртви на професорот по глума. Обвинителството во моментов го товари Алексиќ за силување и недозволени сексуални дејствија од 2008 до 2020 година, на штета на шест девојчиња, од кои едната во моментот е малолетна.
Сослушувањата на двете актерки траело по неколку часа и биле доста шокантни за девојките.
Медиумите во неколку наврати посочуваат дека полицијата добила бројни пријави за жртвите на Алексиќ во последните неколку дена, но тоа не е официјално потврдено. Инаку, Алексиќ е еден од најистакнатите професори по глума во Србија.
Билјана Масиќ, сопругата на Алексиќ, кој е во притвор под обвинение за сексуално злоставување, вели дека неговото училиште за глума нема да работи до ново известување.