Штрајкот во „Старбакс“ ќе се прошири на повеќе од 300 кафетерии низ Америка

Штрајкот на вработените во синџирот кафетериите „Старбакс“ во Америка денеска на Божиќ, според Грегоријанскиот календар, ќе се прошири во повеќе од 300 продавници ширум САД, објави синдикатот „Workers United“.

Денешниот Божиќен штрајк се очекува да биде најголемиот протест досега забележан во „Старбакс“, а синдикатот очекува да учествуваат повеќе од 5.000 вработени, пренесе Ројтерс.

„Овие штрајкови се само прва демонстрација на сила – ние само што почнуваме“, рече еден бариста на „Старбакс“ во соопштението од синдикатот кој претставува 525 работници во кафетеријата низ САД.