Швајцарија би можела да придонесе за идната мировна мисија во Украина, доколку биде побарано и ако владата се согласи, изјави командантот на швајцарските вооружени сили Томас Сусли во интервју објавено во неделата.
„Веројатно би можеле да обезбедиме околу 200 војници за девет до 12 месеци“, рекол Сусли за весникот „SonntagsBlick“, нагласувајќи дека владата и парламентот ќе одлучат доколку биде тоа побарано од Швајцарија.
Дискусијата за испраќање мировни сили засега е чисто хипотетичка бидејќи не е јасно како ќе се развива ситуацијата меѓу Русија и Украина, додаде Сусли.
„Се уште нема мир и нема барања од Обединетите нации“, рекол тој.
Неутралната Швајцарија учествува во неколку мировни мисии ширум светот, со најголема во Косово, каде што има војници распоредени за поддршка на силите на НАТО на Косово (КФОР).
Европските сили разговараа за можноста за испраќање мировници во Украина во услови на дипломатски напори да се стави крај на конфликтот, три години по целосната инвазија на Русија во 2022 година.