188
Швајцарската влада одобри итна помош за медиумите кои имаат пад на приходите од реклами, како резултат на пандемијата од коронавирусот. Владата одобри пакет од 57,5 милиони швајцарски франци, предложени од законодавците, бидејќи, како што наведоа, „медиумите имаат посебно значење за демократијата“.
Радио и ТВ станиците ќе добијат 30 милиони франци, додека дистрибуцијата на весници ќе се субвенционира за шест месеци со 17,5 милиони франци.
Издавачите кои земаат средства мора да се обврзат да не плаќаат дивиденди на акционерите за 2020 година, пренесува „АП“.
Владата соопшти дека ќе издвои 10 милиони франци за плаќање на претплата за електронски медиуми на швајцарската новинска агенција Кистоне-СДА во текот на шест месеци.