Унгарскиот министер за надворешни работи, Питер Сијарто, денес во парламентот изјави дека Унгарија верува дека решавањето на конфликтот во Украина бара преговори меѓу Русија и Соединетите држави.
„Ние би ги поздравиле директните разговори меѓу САД и Русија за Украина“, рече Сијарто, пишува руската новинска агенција Тасс.
Шефот на унгарската дипломатија го спомна краткиот разговор на неговиот руски колега Сергеј Лавров и американскиот државен секретар Ентони Блинкан, кој се случи на 2 март на состанокот на надворешните работи на 20 земји во Индија.
„Би било убаво ако имаа повеќе време да разговараат. Имаа неколку минути, беше тешко да се зборува за патиштата до трајно решение во Украина“, рече Сијарто. Тој исто така рече дека повеќето земји поддржуваат што е можно побрзо воспоставување на мир во Украина.
„Мирот бара мировни преговори и за да се случи ова, мора да ги задржиме каналите на комуникација отворени“, рече министерот.
Унгарската влада во неколку наврати изјави дека верува дека за решавање на украинскиот конфликт, преговорите треба да одат не само меѓу Украина и Русија, туку и меѓу Русија и САД затоа што Вашингтон обезбедува најголема воена поддршка на Киев.