Си-Ен-Ен: 80 отсто од затворениците кои Израел има намера да ги ослободи воопшто не се осудени

од Stefanija Kuzmanovska

Си-Ен-Ен истражуваше колку Палестинци приведени во Израел, кои треба да бидат ослободени како дел од договорот со Хамас, не се обвинети за злосторства, иако се во притвор.

Откако ги анализираше имињата на 300-те затвореници што Израел ги стави на својата листа за ослободување, Си-Ен-Ен откри дека за 80 отсто од нив е наведен притвор – што значи дека тие не се формално осудени или обвинети.

Си-Ен-Ен додава дека во последните два до три месеци речиси 9.000 Палестинци завршиле во израелските затвори. „Гардијан“ пред околу една недела напиша дека сите затвореници, освен четворица, на списокот за ослободување се од Западниот Брег и Ерусалим. Додава дека Израел одбил да ги ослободи осудените за убиство и дека повеќето завршиле во затвор или притвор поради фрлање камења, оштетување имот и контактирање со „непријателски“ организации.

„Повеќето од оние кои треба да бидат ослободени се уште чекаат судење“

Меѓу нив се и оние со посериозни обвиненија – како нанесување повреди со нож или правење експлозиви.

„Гардијан“ наведува дека многу од нив се во таканаречен административен притвор, што овозможува превентивно апсење врз основа на тајни докази и продолжување на затворската казна за шест месеци без обвинение или судење.

„Некои од списокот беа осудени. Но, повеќето од оние кои треба да бидат ослободени сè уште чекаат судење. Меѓу нив има и палестински жени и деца кои се во административен притвор“, изјави Џесика Монтел, извршен директор на „ХаМокеда“, израелска организација за човекови права.

Слични содржини