Си-Ен-Ен: Израел фрли стотици бомби тешки околу 900 килограми на Појасот Газа

од Vladimir Zorba
204 прегледи

Во првиот месец од војната со Хамас, Израел фрли стотици бомби тешки околу 900 килограми на Појасот Газа, од кои многу можеа да погодат луѓе на растојание од повеќе од 300 метри, според анализите на Си-Ен-Ен и компанијата за вештачка интелигенција Synthetaic.

Сателитските снимки од првиот месец од војната меѓу Израел и Хамас откриваат повеќе од 500 кратери од израелски бомби со пречник повеќе од 12 метри, оставени од бомби тешки околу 900 килограми.

Тие бомби се четири пати потешки од најголемите бомби што САД ги фрлиле врз Исламската држава во Мосул, Ирак, за време на војната против екстремистичката група.

Експертите за оружје и војна велат дека широката употреба на тешка муниција предизвикала голем број жртви во Појасот Газа, особено затоа што палестинската енклава е најгусто населената област во светот.

Слични содржини