334
Кинескиот претседател Си Џинпинг му честиташе на Џо Бајден во средата за победата на претседателските избори во САД, изразувајќи надеж дека двете земји можат да промовираат здрав и стабилен развој на билатералните односи, објави новинската агенција Ксинхуа.
Исто така во средата, кинескиот потпретседател Ванг Кишан ѝ честиташе на кандидатката на Бајден, Камала Харис, за изборот за следна потпретседателка на САД, објави агенцијата.
Бајден во вторникот рече дека е позитивно изненаден од повиците на светските лидери „колку се среќни што САД повторно ја преземаат својата историска улога на глобален лидер, како преку Пацификот, така и преку Атлантикот, низ целиот свет“.
Тој треба да ја преземе претседателската функцијата на 20 јануари.