Кинескиот претседател Си Џинпинг нема да отпатува во Индија на претстојниот самит на Г-20, соопшти министерството за надворешни работи во Пекинг. Министерството не соопшти зошто Си нема да присуствува.
Ова е прв пат кинески лидер да го откаже состанокот на Г20. Тој не дојде на состанокот на Г20 во Рим за време на пандемијата на коронавирус, туку присуствуваше преку видео врска.
Премиерот Ли Кианг ќе ја предводи кинеската делегација, изјави во понеделникот портпаролката на министерството, Мао Нинг. Повеќето од лидерите на Г-20 ќе се сретнат во сабота во Њу Делхи на дводневен состанок.
Нема да присуствува ниту рускиот претседател Владимир Путин, а ќе го претставува неговиот министер за надворешни работи Сергеј Лавров. Кина и земјата-домаќин на Г20 Индија имаат затегнати односи. Двете најнаселени земји во светот се расправаат за областа јужно од Тибет и источно од Индија.