Кина е подготвена да продолжи да ја зајакнува својата стратешка соработка со Белорусија, изјави претседателот Си Џинпинг по средбата со белорускиот претседател Александар Лукашенко во понеделникот.
Си, исто така, рече дека Кина е подготвена да ја подобри координацијата и соработката со Белорусија во мултилатералните механизми како што се Обединетите нации и Шангајската организација за соработка, објави државната новинска агенција Ксинхуа.
Кинескиот претседател му рекол на Лукашенко дека двете земји треба да го подобрат олеснувањето на прекуграничниот сообраќај и да ги промовираат економските и трговските врски, како и размената меѓу луѓето.
Кинескиот лидер истакнал дека Пекинг и источноевропската земја треба да спроведат проекти како што е кинеско-белорускиот индустриски парк и да ја промовираат индустриската соработка, пренесува „Ројтерс“.