20
Украинскиот министер за надворешни работи Андриј Сибиха оцени дека за повеќе од три години војна против Украина, Русија не постигнала ниту една стратешка цел, а ова го изјави во врска со извештајот на Генералштабот на вооружените сили на Украина за загубите на руската армија.
„Денес, загубите на Русија во Украина достигнаа милион убиени и ранети во битките. Милион изгубени залудно – Русија не постигна ниту една стратешка цел на својата целосна инвазија. И нема да ги постигне“, изјави шефот на украинската дипломатија на платформата X.
Тој нагласи дека Украина не ја започнала оваа војна и дека повеќе од кој било друг сака таа да заврши.