Сијарто: НАТО избегна ескалација, Украина да се задоволи со скромните резултати

Министерот за надворешни работи на Унгарија, Петер Сијарто, денеска изјави дека НАТО успешно ја избегнал заканата од ескалација на војната, бидејќи Украина не добила покана или распоред за членство во НАТО додека не ги исполни сите потребни услови.

Како што се наведува во соопштението на министерството, Сијарто ја поздрави „победата на одговорноста“, додавајќи дека Украина ќе мора да се задоволи со „скромниот резултат во однос на одредени очекувања“.

Сијарто рече дека единствениот напредок постигнат во односите Украина-НАТО на самитот е одлуката за надградба на Комисијата НАТО-Украина до Советот НАТО-Украина.