19
Унгарскиот министер за надворешни и економски работи, Петер Сијарто, денес објави унгарско-српски проект за изградба на фабрика за армирано-бетонски елементи вредна 10 милијарди форинти во близина на градот Дунавече.
За време на поставувањето на камен-темелникот на фабриката, тој изјави дека унгарската влада ќе го поддржи проектот со 2,4 милијарди форинти, што ќе создаде 65 нови работни места во првата фаза, објавува порталот Хирадо.
Министерот истакна дека новата фабрика ќе користи најсовремени системи за производство и енергетски ефикасни решенија, со речиси целосна зависност од сончевата енергија, што придонесува за националните еколошки цели.