Најмалку едно лице загина, а повеќе од 30 се повредени при земјотрес со јачина од 5,6 степени според Рихтеровата скала денеска го погоди јужен Иран, јавуваат иранските медиуми.
Земјотресот го погоди подрачјето на 22 километри североисточно од островот Киш во провинцијата Хормозган во 8.07 часот по локално време, на длабочина од 22 километри, јавува иранската државна агенција ИРНА.
An estimated Mw 5.5-5.8 earthquake struck off the coast of southern Iran. It is one of the strongest in a long seismic sequence. Reportedly felt in Dubai, UAE, Bahrain and Qatar. pic.twitter.com/kXWM6B8Djv
— GeoGeorge (@GeoGeorgeology) June 25, 2022
Повредени се 31 лице, информира локалниот здравствен претставник и истакна дека повеќето се здобиле со полесни повреди при обидот да избегаат.
Островот Киш се наоѓа во Персискиот Залив и е на околу 1.025 километри јужно од Техеран.
Послаби земјотреси се регистрирани на островот неколку пати во изминатите десет дена, соопштија тамошните власти.