Во своите јавни настапи, македонската претседателка има право да го употребува името Македонија, како чин на лично право на самоопределување и самоидентификација, почитувајќи ги основните човекови права и слободи, и согласно европските вредности и начела, велат од Кабинетот на Гордана Силјановска-Давкова преку соопштение поради големиот број реакции, како од домашната јавност, така и од соседите и од институциите при ЕУ.
Во соопштението се додава дека претседателката ќе се придржува до официјалната примена на уставното име.
-Согласно Уставот, како што беше подготвена од службите на Собранието, свечената заклетва беше потпишана со користење на уставното име.
Македонските институции во последниве 5 години речиси целосно ги исполнија обврските од Преспанскиот договор и претседателката очекува сите македонски партнери да ги почитуваат билатералните и мултилатерални обврски кои ги презеле кон земјата, додаваат од новиот Кабинет на новоизбраната претседателка.