Територијата на општина Кавадарци и Тетово во попладневните часови била зафатена со силен дожд.
-РЦУК – Тетово известува дека поради пад на 110 кв извод на Тетово од 20:10 часот, без електрична енергија е цел град Тетово и околината. Екипите на ЕВН се на терен и работат на отстранување на дефектот.РЦУК – Кавадарци известува дека територијата на општина Кавадарци во попладневните часови била зафатена со силен дожд од околу 40 л на м2, а планинскиот дел на општина Кавадарци бил зафатен со град и дожд. До овој момент пријавени се 3 поплавени објекти (приземни простории и подруми), а интервенираат ЈКП Комуналец од Кавадарци и ТППЕ Кавадарци со вкупно 30 луѓе, информираат од ЦУК.
Од УХМР известуваат дека невремето со поинтензивен пороен дожд, електрични празнења и засилен ветер од источните делови од Македонија се придвижува кон западните делови и се очекува да ги зафати Тиквешијата и Пелагонија, а подоцна во вечерните часови и делови од Скопската Котлина ќе бидат зафатени од невреме со пороен дожд, силни електрични празнења, силен ветер и можна појава на град.