Есента, покрај тоа што е прекрасно годишно време, кое ни го носи уживањето во магичните бои на природата, таа ја збогатува и нашата исхрана со своите плодови, а со тоа го зајакнува организмот.
Со есента, костенот станува еден од најчестите задоволства и состојки на различни јадења. За разлика од другите јаткасти плодови, костенот содржи многу мали количини на масти и масло и има голема количина на сложени јаглехидрати што му дава низок гликемиски индекс.
Ова се сите здравствени придобивки кои костените ги имаат:
Ја подобрува меморијата
Витамините Б во костените помагаат во растот на црвените крвни зрнца, ги разградуваат јаглехидратите, протеините и мастите и даваат енергија и сила. Богатиот витамин Б комплекс кој се наоѓа во костените ги зајакнува мозочните функции и меморијата, а севкупно ја подобрува активноста на мозокот.
За одржување на здрав нервен систем придонесува и калиумот, со кој исто така се богати костените.
Го намалува ризикот од болести
Трагите од костенот содржат манган кој се бори со слободните радикали во телото и го намалува ризикот од срцеви заболувања и рак. Исто така, игра клучна улога во процесот на стареење и помага во спречување на згрутчување на крвта.
Го зачувува цревниот систем и имунитетот
Богати со растителни влакна, овозможуваат добра работа на цревниот систем, добра состојба на бактериската флора, спречуваат запек и цревни пореметувања, кои сите заедно благотворно делуваат на имунитетот.
Го регулира крвниот притисок
Печените костени содржат многу малку натриум, но се богати со калиум, па затоа се сметаат за корисни за лицата со хипертензија. Тоа се должи на фактот што имаат изразено диуретично дејство и придонесуваат за излачување на течности кај луѓето кои страдаат од задржување на водата во организмот.
Го исфрла вишокот вода
Костенот има способност да ја исфрли водата од телото, а со тоа помага при проблеми со бубрезите и желудникот. Ќе помогне во циркулацијата и протокот на храната низ цревата, како и водата.