Тренерот на Атлетико Мадрид, Диего Симеоне, ја објасни својата реакција на крајот од натпреварот против Манчестер Сити, кога почна иронично да им аплаудира на гостинските играчи за нивните постојани обиди да добијат на време. Натпреварот на „Ванда Метрополитано“ заврши без голови и Атлетико испадна од Лигата на шампионите, но Аргентинецот беше задоволен од настапот на својот тим.
„Можеме да бидеме горди. Луѓето на трибините видоа тим кој се бори до последно. Ова ни дава мир на умот, бидејќи се трудевме максимално да го промениме резултатот. На неколку стадиони ширум светот ќе видите слична реакција од навивачите по испаѓањето. Некои од момчињата дури и плачеа“, рече Симеоне.
„Секогаш се трудиме да победиме. Можеби на многумина не им се допаѓа нашиот фудбал, но ова сме ние и горд сум на тимот. Дури и кога нашиот противник е супериорен, ние не се откажуваме и бараме начини да ја постигнеме нашата цел. Создадовме три, четири или пет јасни позиции. На крајот мислам дека имаше пенал против Кореја, но ситуацијата не се ни преиспита“, продолжи Симеоне.
„Аплауз за клупата на Манчестер Сити? Не не. Им аплаудирав на нашите навивачи, кои ги ценат напорите што ги направи тимот. Како да не го сторам тоа? Не сакам да зборувам за судење. Мораме да му честитаме на противникот кој даде уште еден гол и не елиминира“, истакна Чоло.
„Дали почувствував непочитување од Гвардиола? Не, и нема причина да го коментирам ова. Има интелигентни луѓе кои можат да ви кажат убави зборови, но всушност ве презираат. Меѓутоа, ние со посиромашен речник исто така не сме глупави“, додаде Симеоне.
„Да му дадете совет на Реал Мадрид пред полуфиналето? Не би си дозволил, тоа би било непочитување“, изјави тренерот на Атлетико.