Сојузот на синдикатите на Македонија (ССМ) соопшти дека ќе го одбележи Меѓународниот ден на трудот, 1.мај во услови на здравствената криза, предизвикана од коронавирусот КОВИД-19, со СИНДИКАЛЕН МАРШ, под мотото „ЗДРУЖЕНИ СО ИСТА ЦЕЛ!“
„Празникот на работниците, 1-ви Мај, го одбележуваме загрижени за своето и здравјето на нашите семејства, за голем број од нас во услови на намалени плати, откази на договорите за вработување и грижа за нашата елементарна егзистенција“, велат од ССМ.
Оттаму ги повикаа сите работници, кои ги препознаваат навините вредности и заложби, да се приклучат во семејството на ССМ, семејство на рамноправни членови, работници и граѓани, „кои не сакаат само да критикуваат, туку сакаат дирекно да се вклучат со сиот свој капацитет и потенцијал, во креирањето и градењето на државата“.
Синдикалниот марш, со запазување на сите мерки и препораки за заштита од Ковид -19, ќе започне на 01.05.2021 година во 10.30 часот пред зградата на ССМ.