Светскиот рекет број еден Јаник Синер им се заблагодари на своите поддржувачи за нивната поддршка за време на неодамнешниот допинг скандал што беше објавен и рече дека иако има измешани чувства за случајот меѓу неговите колеги, целокупната реакција не била лоша.
Италијанецот негираше дека сторил нешто лошо и продолжува да се натпреварува на турнири откако успешно ја оспори суспензијата.
„Чувствувам дека одзивот од навивачите беше одличен, а исто така и цело време кога излезе веста. Имаше голема поддршка на тренинзите, поради што сум многу задоволен и среќен“, изјави Синер, цитиран од Ројтерс.
„Се уште е малку, знаете – не е лесно. Мора да се оди од ден на ден… Бев љубопитен да видам каква е реакцијата на навивачите, но беше многу позитивно. Многу сум среќен“. изјави тенисерот по победата во првото коло на УС Опен.
По објавата на Меѓународната агенција за интегритет во тенис (ITIA), голем број ги истакнаа, како што рекоа, двојните стандарди, што укажува на тоа дека Италијанецот добил преференцијален третман.
Петтиот носител во Њујорк, Даниил Медведев, коментираше дека анти-допинг правилата му се малку нејасни и се надева дека тие се применуваат доследно за сите играчи.
„Видов нешто од Тејлор Фриц што ми се допадна, „Само тој (Синер) знае што точно се случило, така што ние не. Никој не може да ја знае точната вистина освен тој, неговиот тим и можеби независен суд“, рече рускиот тенисер.
Медведев исто така истакна дека кога играчите не знаат како забранета супстанца влегла во нивното тело, тие се суспендирани дури и ако се невини.
„Тој знаеше што се случи и за него е добро што можеше да се одбрани. Кога не знаеш, добиваш суспензија. Тоа е комплицираниот дел, но тоа се правилата за допинг“, додаде Медведев во врска со Синер.
Самиот Јаник Синер призна дека се соочил со студен третман од други играчи на УС Опен по неговите неуспешни допинг тестови кои неодамна беа откриени.
„Има некаква реакција од другите играчи. Не можам да контролирам што мислат и што велат. Не можам да ја контролирам реакцијата на другите тенисери. Ако имам нешто да кажам некому, одам и го правам тоа приватно, затоа што јас сум таков“, откри Италијанецот.