Кристијано Роналдо Јуниор, син на еден од најдобрите фудбалери на сите времиња, се најде во центарот на вниманието за време на пренос во живо кога му беше поставено прашање кое подоцна предизвика бура од коментари.
За време на неформален разговор во преносот во живо, некој од присутните го праша наследникот на Роналдо кој му е омилен фудбалер. Како што се очекуваше, Јуниор немаше дилема: „Роналдо“, одговори кратко и јасно, секако мислејќи на својот татко.
Сепак, дискусијата се разви веднаш потоа. Еден од присутните го спореди Роналдо со младата ѕвезда на Барселона, Ламин Јамал, тврдејќи дека тинејџерот „веќе е подобар играч“. Иако Јамал неодамна наполни 18 години, многумина веќе го гледаат како идна суперѕвезда на светскиот фудбал.
Кристијано Роналдо Јуниор го сослуша својот соговорник, но не сакаше да навлегува во дебата. Тој само мирно кимна со главата и кажа една реченица што целосно го промени текот на разговорот.
„Сега? Можеби. Но, Ламин Јамал сè уште не освоил ништо. Тој е одличен, но не освоил ништо“, Кристијано Роналдо Јуниор.
Неговата реченица брзо стана вирална, а реакциите на навивачите, особено од Барселона, не изостанаа. Многумина истакнаа дека Ламин Јамал веќе освоил трофеи со Барса, вклучувајќи ја титулата во Ла Лига и домашниот Суперкуп, и статистички наводно е пред Роналдо кога се споредуваат нивните настапи на иста возраст.
Сепак, кога се гледаат вкупните достигнувања – и индивидуални и тимски – јасно е дека Јамал сè уште не може да се спореди со великани како Роналдо или Меси. Неговата кариера е само на почеток, а патот до славата е испишан не само со голови и асистенции, туку и со незаборавни титули.