Синот на славниот актер Вил Смит (52), пејач и актер, Џејден Смит (22), планира да отвори ресторан во Лос Анџелес, каде што бездомниците би јаделе бесплатно.
Џејден ќе отвори ресторан наречен „Те сакам“ за да помогне во хранењето на оние на кои им треба, а малиот син на Смит веќе две години работи „бизнис“ со камиони за храна „Те сакам“, исто така за бездомници.
Неговите камиони со храна ги снабдуваат бездомниците во Лос Анџелес, а новиот ресторан треба да понуди потрајно решение и да им помогне на оние на кои им е потребно. Тие ќе ги надоместат трошоците со плаќање повисока цена на луѓето кои имаат средства да плаќаат за храната.
– Бездомниците мора да добијат бесплатна храна. Но, ако не сте бездомник, не само што мора да платите, туку мора да платите и повеќе отколку што вреди храната и да платите за лицето што стои зад вас – рече Џејден.
Тој влезе во музичките води како гостин во песната „Never Say Never“, која ја сними со Џастин Бибер, а исто така настапи и на еден од најголемите фестивали во светот – „Коачела“, во пустината во Калифорнија.
Растејќи во семејството на познат пар, според мислењето на многумина, раперот станува прилично совесен и се грижи за другите. Но, тој не се двоумеше порано за дополнително да ги шокира сите што го критикуваа неговиот имиџ и однесување.
Така, Џејден се облекуваше во здолништа, имаше неколку размазени испади кон персонал во хотел и ресторан, но тој ги воодушеви сите со својата „деловна активност“ со храна за бездомници.