Неколку млади лица вчера биле приведени во полициска станица во Скопје по тепачка што се случило во локал во Дебар Маало, а според информациите станува збор за помладиот син на екс-директорот на УБК, Сашо Мијалков и синот на Влатко Мијалков, поранешниот директор на Царинската управа.
„Ноќеска во 00.30 часот во Полициска станица Центар, И.С.(19) од Скопје пријавил дека на синоќа околу 21.45 часот во и пред угостителски објект на подрачјето на Центар бил физички нападнат од Ж.К., А.М., М.К., Ф.М., С.Р. и И.С.. Лицата се повикани во полициска станица и известен е Jавен обвинител. Се преземаат мерки за расчистување на случајот“, соопшти МВР.
Полицијата не го откриваа идентитетот на напаѓачите, но сепак, иницијалите на осомничените упатуваат на тоа дека меѓу приведните се и синовите на Мијалкови.
Според неофицијалните информации, тепачката прво започнала пред локалот, а продолжила надвор на улицата, во скопско Дебар Маало.