115
Речиси сигурниот нов шампион на Англија, Манчестер Сити нема да може да ја привлече ѕвездата на Барселона, Лионел Меси, чијашто клаузула за откуп е веќе 700 милиони евра. Ова беше потврдено од страна на спортски директор на „граѓаните“ Феран Сориано.
„Нема шанси да го привлечеме Меси. Го познавам него и неговото семејство многу добро. Тие се чувствуваат одлично во Барселона. Ова е местото каде што тој треба да биде“, изјави Сориано, кој е поранешен кадар на каталонците.
„Ќе го поминеме патот без него, што е потешко, бидејќи тој е најдобриот фудбалер во историјата на фудбалот. Тој промени сè, Лео е гениј“, рече уште Сориано на адреса на Аргентинецот, кој стана татко на момче по трети пат пред некое време.