Сити со пресврт во Париз на чекор од првото финале во ЛШ

Фудбалерите на Манчестер Сити се на чекор од финалето во Лигата на шампионите, откако вечерва го совладаа Пари Сен Жермен со 1:2 во првиот полуфинален натпревар на „Паркот на принцовите“, по пресврт.

Домаќините поведоа соголот на Маркињос во првото полувреме, а во второто граѓаните дојдоа до пресврт со головите на Де Бруин и Марез.

Сити на крајот можеше да постигне и трет гол, но Навас го одбрани обидот на Фоден по одличниот соло продор.

Реваншот се игра на 4 мај на „Етихад“.

Доколку го одбрани резултатот од вечерашниот натпревар, Сити ќе стигне до своето прво финале.