Ситуацијата со загаденоста на воздухот е алармантна

од Radmila Tasevska
163 прегледи

Маските против коронавирусот граѓаните ги извадија, но сега повторно ги вратија поради загадениот воздух. Загадувањето никако да се реши. Луѓето ги поминаа празниците во магла, а и по нив ситуацијата остана иста. Сонцето се обидуваше да се пробие во текот на целиот ден, но смогот остана.

Ситуацијата е алармантна, средствата за заштита на животната средина се намалија за дури 44 отсто. Според екологистите буџетот не е толку важен фактор, туку е потребно надлежните да знаат како да управуваат со него. Неопходна е стратегија.

Додека граѓаните се гушат, политичките партии барата изговори и меѓусебно ја прфрлаат вината. Советниците од СДСМ поднесоа иницијатива за одржување вонредна седница на Советот на град Скопје за загадувањето на воздухот. Очекуваат подршка од ВМРО-ДПМНЕ како најбројна советничка група. Велат, сега не е време за политика туку за делување.

Загадувањето ги влоши и респираторните болести, ги наполни амбулантите, лекарите прегледуваа по стотици пацинети дневно. Најмногу на удар се децата и хронично болните.

Слични содржини