Барселона минатото лето ја прошири својата служба за извидници со додавање на нов член. Се работи за Андреа Манчини, син на Роберто Манчини, тренерот кој со Италија го освои европското злато во 2020 година, а со Манчестер Сити и три пати со Интер славеше титули во европските лиги. Андреа Манчини тврди дека Ламине Јамал ќе стане посилен играч од Лионел Меси.
Аргентинскиот репрезентативец, сега член на Интер Мајами, кој се натпреварува во МЛС лигата, многумина го сметаат за најдобар фудбалер на сите времиња. За помладиот Манчини тој е пример кој 17-годишниот Јамал ќе го надмине.
Јамал веќе има 82 настапи, 18 гола и 21 асистенција за Барса, со која веќе беше шпански шампион и освојувач на Кралскиот куп. Тој лани го прослави европското злато во дресот на шпанската репрезентација. Меси постигна 672 гола и асистираше на 303 во 778 натпревари за Барселона, соборувајќи многу рекорди на патот на кој ги освои сите можни трофеи.
Андреа Манчини живее меѓу Барселона и Италија, каде што ги следи натпреварите и ги бара идните ѕвезди на каталонскиот клуб. „Не можев да ја одбијам понудата кога ја добив, тоа е единствена можност“, рече тој и објасни која е неговата задача.
„Барам нов Ламин Јамал. Предизвикот на клубот е секоја година да носи четири или пет играчи од Ла Масија во првиот тим. И успеваат. Погледнете го Јамал, лесно е да се каже, но тој е таму со години. Ќе биде посилен од сите, па дури и од Меси”, изјави Манчини.