Porsche 934 беше претставен во 1976 година како тркачка верзија на турбонаполнетиот 930 за конкуренција во Група 4, а скулптурата на автомобилот во природна големина беше продадена за повеќе од 200.000 фунти на аукција.
Скулптурата е создадена во 2022 година и беше изложена за време на Неделата на дизајн во Милано, по што следеше светска турнеја, а сега има нов сопственик. Тој издвои неверојатни 201.000 фунти, што е особено импресивно бидејќи за таа цена можете да купите вистинско Porsche 911, па дури и вистинско класично Porsche 934.
Скулптурата беше продадена на аукција од Collecting Cars на приватен колекционер од Кина и привлече 218 понуди во текот на седум дена.
Скулптурата е дизајнирана од Бенедикт Редклиф, а содржи челични цевки со дијаметар од 32 mm во портокалова боја. Дел од скулптурата се BBS бандажи со гуми Avon.