Милијардерот Илон Маск е номиниран за Нобеловата награда за мир за 2025 година. Номинацијата, се дознава, е поврзана со неговиот придонес во заштитата на слободата на говорот и човековите права. „Маск стана кандидат за Нобеловата награда за мир во 2025 година“, изјави Бранко Гримс, словенечки пратеник во Европскиот парламент.
Одлуката да го номинира е оправдана со фактот што тој прави значителни напори да обезбеди отворена дебата во општеството, промовирајќи го слободниот проток на информации. Неговите активности на ова поле претставуваат важен придонес за зачувување на демократските вредности и меѓународниот мир.
„Денеска беше успешно поднесена петиција за доделување на Нобеловата награда за мир за 2025 година на Илон Маск, за неговата доследна посветеност на основното човеково право на слобода на јавно изразување, а со тоа и на мир. Искрено им благодариме на сите коавтори и на сите кои помогнаа во овој предизвикувачки проект“, сподели тој.