Сообраќајот на државните патишта се одвива непречено, по наместа влажни коловози. Врнежи од снег има на планинскиот премин Ѓавато, но не преставуваат пречка за одвивање на сообраќајот, информираа од АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
-Поради вградување на асфалтен слој(асфалтирање), од 15.03.2023 до 18.03.2023, регионалниот пат Велес-Градско односно делот од с. Ногаевци до с. Виничани ќе биде затворена за сообраќај од 08:00 до 16:00 часот, истакнуваат од АМСМ.