Според пописот одржан во 2021 година во Република Северна Македонија живеат 1.832696 резидентни граѓани и 204.805 нерезидентни односно кои живеат во други држави во светот. Сега може да заклучиме дека вкупниот број на жители на нашата држава (резидентни и нерезидентни) изнесува 2.037.501. жители или споредбено со пописот од 2002 зголемувањето е само за 14.954 жители, или 31.307 помалку од тоа што кажуваше заводот за статистика на крајот на минатата година, вели пратеникот од Алијанса на Албанците, Халил Снопче на прес-конференција.
Тој бара да се разјасни колку граѓани на Македонија имаат германско државјанство, но и колку наши граѓани заминале во Германија со бугарски пасоши.
-Со оглед дека со пописот беа опфатени и семејствата и становите, сега веќе се знае дека се попишани 568.175 домаќинства и 837.255 станови од што се констатира дека во државата имаме 269.080 повеќе станови од домаќинства. Тоа значи дека 41.09 % на семејствата на нашата земја поседуваат повеќе од еден стан, вели Снопче.