Пратеникот на Алијансата за Албанците од крилото на Арбен Таравари, Халил Снопче синоќа рече дека токму поради одлуката на АА да се здружи со другите партии и да се формира ВЛЕН, на крајот резултираше со добиени 107 илјади гласови. Тој рече дека тоа е одличен резултат што го добија од последните избори и ја испратија ДУИ во опозиција.
„Во сите други влади каде ДУИ беше во влада и имаше монопол, тие беа корумпирани и неуспешни влади. Никогаш не направија ревизија на она што го ветуваа и што правеа во периодот додека беа во владата“, кажа Снопче во вестите на Тв Сител.
Според него, ДУИ и да се вратат во влада, сфатиле дека нема секогаш да бидат дел од неа и ако владееле неодговорно, ќе одговараат.
Додаде дека веднаш по изборите било соодветно ВЛЕН да стане политичка партија бидејќи е јасно дека не може да функционира со четворица лидери.
„Ние како АА, иако имаме 5 пратеници, повеќе од сите партнери на ВЛЕН. Се согласивме централната власт да се распределува пропорционално, но локалната власт не може да се дели на овој начин. Локалната власт не е игра на среќа. Мора да ги разгледаме и другите околности, како на пример кој е кандидатот и како е поставена партијата“, рече Снопче.
Тој додаде дека им предложиле на коалициските партнери да направат анкети, но не биле прифатени од другите партии во ВЛЕН.