Со букети и банички во раце 40-тина хигиеничари од аеродромот во Софија се собраа пред владиниот ВИП, за да го чекаат доаѓањето на премиерот Бојко Борисов од Брисел. Тие сакаат да му се заблагодарат дека ги спасил нивните работни места, откако тој денеска застана зад договорот за ангажирање на надворешна фирма која ќе го чисти аеродромот.
“Ниту за момент не се сомневав дека ме повикува тој, иако не поверував на она што го слушам”, раскажа Евелин, жената на која Борисов прва и соопштил дека престанува договорот.
За жал вработените на аеродромот нема да можат да му се заблагодарат лице в лице на Борисов и да му ги врачат букетите и баничките. Причината е дека во Европскиот совет во Брисел се одолговлечи состанокот и тој најверојатно нема да се врати вечерва.
На владиниот ВИП во моментов организираат разговор по Скајп меѓу хигиеничарите и премиерот.