Лидерска средба за денеска е најавена во Клубот на пратеници. На средбата ќе учествуваат лидерите на четирите најголеми партии: Зоран Заев од СДСМ, Никола Груевски од ВМРО-ДПМНЕ, Али Ахмети од ДУИ и Мендух Тачи од ДПА.
Лидерите ќе седнат на маса заедно со Џес Бејли, амбасадорот на САД, и со Аиво Орав, шеф на Мисијата на ЕУ во Македонија.
Со какви барања политичките партии седнуваат на маса?
Лидерот на СДСМ, Зоран Заев, испорача пет барања до наредните фер и демократски избори:
Формирање техничка влада;
Одвојување на партијата од државата;
Регулација на медиумите и правична застапеност на опозицијата на јавниот сервис МРТВ и на другите медиуми;
Прецизирање во изборното законодавство и прецизирање на Избирачкиот список;
Спроведување попис.
Премиерот Никола Груевски, пак, рече дека преодна влада е можна само без ВМРО-ДПМНЕ.
Неговите барања се:
Правна постапка во согласност со законите во Македонија;
Правна постапка за секој за кој има сомневања и докази дека го прекршил законот;
Политичка разврска.
ДУИ се залага за мирно решавање на кризата со посредство на меѓународниот фактор.
Ставот, пак, на ДПА засега е непознат затоа што партијата е длабоко поделена.
Извор: МЕТА