Со „пежо“ удрил двајца полицајци, па со остар предмет ги нападнал

Приведен жител на селото Доленци, Демирхисарско, кој со автомобил удрил во двајца полициски службеници, информира полицијата.

Според нив, на 21.02.2022, околу 08:00 часот на патот Битола-Ресен,  И.Ѓ.(41) од Росоман со возилото „пежо“, кое го управувал, не застанал на знак за запирање од полициски службеници и притоа со возилото удрил двајца од нив.

-Набргу откога бил запрен, со остар предмет повредил полициски службеник, кој извршувал службени дејства. Тој бил приведен во полициска станица и по целосно документирање на случајот, против него ќе биде поднесена соодветна пријава, велат од МВР.