Според предвиденото, во Собраниети денес, ќе продолжат со оддржување 28. и 29. седница.
Имено, во рамки на првата ќе се одлучува во преостанатите предлог закони од економијата – изменувања и дополнувања на Законот за даночна постапка, на Законот за регистрирање на готовински плаќања и на Законот за придонеси од задолжително социјално осигурување и измените на Законот за игрите на среќа и за забавните игри – сите во прво читање.
Исто така, точка на дневен ред на седницата е и Предлогот на закон за реализација на проектот „Нов Универзитетски клинички центар“ за изградба и ставање во употреба на комплекс на градби, кој се носи по скратена постапка.
По таа, Собранието ќе ја оддржи и 29. седница каде ќе бидат опфатени неколку точки на дневен ред, меѓу кои се и Предлог на закон за задолжување со заем кај Меѓународната банка за обнова и развој – Светска банка по Договорот за заем за финансирање на Проектот за унапредување на основното образование.
Пратениците треба да расправаат и за предлог законите за изменување и дополнување на Законот за семејството, Законот за библиотеките и на Законoт за заштита на културното наследство, сите по скратена постапка.
Во прво читање треба да бидат разгледани и предлог законите за изменување и дополнување на Законот за трговските друштва, на Законот за метрологијата, на Законот за заштита и благосостојба на животните и на Законот за идентификација и регистрација на животните.
На дневен ред е и Информација за состојбата на тутунот од реколта 2020-2021 заклучно до 21 декември лани, поднесена од пратеници од опозицијата.