161
Времето денеска ќе биде сончево и натпросечно топло со мала до умерена облачност, информираат од УХМР. Наутро ќе има услови за појава на магла по одделни котлини. Ќе дува слаб ветер претежно од западен правец.
Минималната температура ќе биде во интервал од -2 до 3, а максималната од 13 до 20 степени Целзиусови.
Во Скопје сончево со мала до умерена облачност и тивко и температура до 15 степени.
До сабота ќе се задржи стабилно и суво време со услови за појава на утринска магла по одделни котлини. Дневните температури ќе бидат над просекот за овој период од годината. Од недела под влијание на влажен бран ќе има повремени врнежи од дожд и благо опаѓање на температурата.