Сончево и релативно топло за овој период од годината

Времето денеска ќе биде сончево и релативно топло, информираа од УХМР. По одделни котлини ќе има појава на магла. Долж Повардарието ќе дува слаб до умерен северозападен ветер.

Максималната температура ќе достигне до 17 степени.

Во Скопје претпладне со појава на магла, преку денот сончево со слаб северен ветер. Минималната температура денеска ќе се спушти до -1, а максималната ќе достигне до 14 степени.

Продолжува периодот на стабилно и релативно топло време, освен по котлините, каде ќе има појава на магла со променлив интензитет. Дневните температури во овие места ќе бидат пониски.