Подрачјето на нашата земја и денес ќе се наоѓа под влијание на стабилна и сува воздушна маса со сончево време, појава на мала до умерена облачност и со умерен долж Повардарието, повремено засилен ветер од северозападен правец.
Можна е појава на слаба утринска магла по одделни котлини. Минималната температура ќе се движи во интервал од -12 до -1, максималната од 3 до 11 степени.
Во Скопје сончево со мала до умерена облачност. Ќе дува слаб до умерен северен ветер. Температурата ќе достигне до 8 степени Целзисуови.
Од четврток времето ќе биде променливо облачно со сончеви периоди, а во источните делови ќе има услови за слаби врнежи. До крајот на седмицава ќе дува умерен до засилен северен ветер и температурите ќе бидат повисоки во однос на денешните.