136
Времето денеска во земјава ќе биде претежно сончево со мала до умерена облачност, информираат од УХМР. Претпладне по одделни котлини ќе има појава на магла.
Преку денот сончево со мала до умерена локална облачност и релативно топло особено во повисоките места и на планините. Ќе дува слаб ветер од јужен правец.
Максималните дневни температури ќе се движат во интервал од 10 до 16 степени Целзиусови.
Во Скопје претпладне со појава на магла, а преку денот сончево со мала до умерена облачност.
Температурите ќе се движат од -1 до 11 степени Целзиусови.
Како денеска, така и во наредните денови времето е релативно топло за овој период од годината.