Sony го следеше примерот на Nintendo и претстави модерна мини верзија на оригиналната PlayStation конзола. Самата причина е 25-годишнината од премиерата на првата верзија на уредот. Новиот модел се вика PlayStation Classic и освен дека го задржува истиот дизајн ќе мора да се натпреварува директно со конзоли како Nintendo NES и SNES Classic. Корисниците ќе можат да уживаат во колекција од 20 култни игри кои ќе бидат претходно инсталирани на PlayStation Classic.
Меѓу нив спаѓаат легендарни наслови како Final Fantasy VII, Tekken 3, Ridge Racer Type 4 Jumping Flash и Wild Arms. Идните сопственици ќе можат лесно да ја поврзат конзолата со нивните паметни телевизори со HDMI порта. Од компанијата потврдија дека ќе продаваат PlayStation Classic со два PlayStation 1 контролори, а исто така, дека игрите ќе можат да се стартуваат и во мултиплеер мод, пријави VentureBeat. Големината на PlayStation Classic е околу 45% помала од оригиналниот модел.
Бројот на игри што ќе бидат компатибилни со PlayStation Classic ќе биде значително поголем и во наредните месеци ќе дознаеме кои други наслови се во каталогот. Официјалната продажба на европскиот континент ќе започне на 3-ти декември. Цената ќе биде 99,99 евра. Можеме да бидеме сигурни дека Sony има подготвено многу изненадувања со премиерата на конзолата кои се поврзани со празничната сезона на крајот од годината.