Џејда Пинкет Смит конечно се огласи откако нејзиниот сопруг Вил Смит му удри шлаканица на Крис Рок на Оскарите поради шегата за алопеција што ја направи комичарот и водител Рок на сметка на сопругата на Смит.
– Ова е период за опоравување и јас сум тука за тоа, напишала Џејда на својот Инстаграм профил и ова е првпат јавно да се огласи по инцидентот што го направи нејзиниот сопруг.
Вил во текот на денешниот ден му се извини на Крис Рок за неговото однесување на Оскарите.
-Шегите за мене се дел од работата, но шегите за здравјето на Џејда беа премногу и реагирав емотивно. Се срамам и моите постапки не се соодветни на човекот кој што сум, рекол Смит.
Претходно, Академијата за филмски уметности и науки од 9.900 членови ги осуди постапките на Смит, велејќи дека го разгледува ова прашање.
-Официјално започнавме истрага за инцидентот и ќе покренеме понатамошни дејствија и последици во согласност со нашите политики, стандарди на однесување и законите во Калифорнија, додаваат од академијата.
Прекршувањето на правилата може да резултира со суспензија или исклучување од академијата, одземање на наградата или суспензија за идните награди.