Патрик Думонт, сопственик на Далас Маверикс, смета дека познатиот трејд на Лука Дончиќ отворил шанса за долгорочен успех на франшизата од Тексас, спротивно на изјавата на спортскиот директор Ник Харисон и неговата теорија за планот за „инстант успех“ со доаѓањето на Ентони Дејвис, кој треба да има клучна улога во освојувањето на шампионската титула.
Додека страстите полека се „смируваат“ во Тексас по најголемиот трејд во модерната историја на НБА, дежурниот виновник Нико Харисон неколку пати изјави колку е важно да се има посилна одбранбена фигура во ростерот за да се освои титулата.
Токму тоа беше планот кога беше потпишан Дејвис под изговор дека Мавси со него цели кон краткорочен успех. Особено по неуспехот во НБА финалето минатата сезона, но тоа не го гледа сопственикот на Далас.
Тој смета дека со доаѓањето на Дејвис, Далас направил добар облог за иднината.
„Никогаш не е лесно да се донесат тешки одлуки. Дел од нашето раководство внимателно го разгледа ризикот и ги разгледа сите фактори кои би можеле да ни донесат долгорочен успех. Да, можевме да донесеме различни одлуки и да имаме повеќе успех на почетокот, но сепак гледавме на долгорочна цел“, рече Думон, додавајќи:
„Некои тимови не победуваа минатата сезона, а ние не бевме доволно агресивни на крајот од преодниот рок, па гледавме како да го подобриме списокот. Па така, мислам дека овој трејд е добар долгорочен план, и ако внимателно го погледнете нашиот сегашен ростер, ќе видите дека тоа не става во позиција да се натпреваруваме против најдобрите тимови во НБА“, заклучи тој.
Останува прашањето колку е навистина точна неговата теорија, со оглед на тешката историја на Дејвис со повреди, додека многумина веруваат дека управата на Далас направила кардинална грешка тргувајќи го Дончиќ, кој и покрај вишокот килограми, важи за еден од најдобрите бекови во НБА.