Советникот на Зеленски: Битката за два клучни града доаѓа до страшен крај

од Берта Китинска

Битката за двата клучни града во источна Украина, Северодоњецк и Лисичанск, „се приближува кон ужасен крај“, изјави Алексеј Арестович, советник на украинскиот претседател Володимир Зеленски.

Русите со недели се обидуваат со жестоки напади да ги освојат Северодоњецк и Лисичанск, последните два преостанати града под контрола на Украина во областа Луганск. Борбите се претворија во крвава војна, при што двете страни претрпеа големи загуби. Но, руските сили постигнаа значителен напредок во последните две недели.

Серхи Хајдај, гувернерот на Луганск, утринава изјави дека „руските сили напредуваат успешно“, додавајќи дека Русите ја освоиле Лоскутивка, населба јужно од Лисичанск и се закануваат дека целосно ќе ги опколат украинските борци.

Што се однесува до Северодоњецк, се верува дека руските сили го контролираат речиси целиот град. Единствен исклучок е хемиската фабрика Азот, која крие стотици цивили и украински војници.

Слични содржини