Велешанец пред четири дена исчезна во водите на реката Вардар при обид да спаси екипа на ЕВН.
Полицијата се уште трага по исчезнатo лице кое во велешкото село Белештевица надојдена вода го однела кон реката Вардар, додека се обидувал да спаси екипа на ЕВН.
На место викано Лавчани, човекот се обидел со трактор да извлече возило во кое се наоѓала екипа на ЕВН, која отстранувала претходно настанат дефект. Од надојдената вода човекот и возилото на ЕВН биле однесени кон реката Вардар.
При пребарување на околината од полициски службеници од СВР Велес и локалното население, возилото на ЕВН е пронајдено, додека по човекот сѐ уште се трага.
Вчера на социјалните мрежи беше објавен апел за помош од страна на братот на исчезнатото лице, Левко Димовски
„Левко Димовски ве замолува за помош која во моментов и тоа како му е потребна. Се работи за неговиот брат Спасе Димовски, за кого се претпоставува дека излетал со кола во река.Уште еднаш ве замолуваме сите што можат да се вклучат во акцијата за негово пронаоѓање и да ја споделат информацијата. Секакво инфо и помош е добредојдена, а телефонскиот број за контакт е 070628167“, напиша диџејот Владимир Блажев ака Панчо од ДНК.
https://www.facebook.com/pancho.shortydnk/posts/10157543646277544